Картум, 11 октомври 2025 (МИА) – Најмалку 60 лица загинаа во напад врз бегалски центар, во кој биле сместени раселени лица во Ел Фашер, опколениот град во провинцијата Западен Дарфур во Судан.

Локалната невладина организација „Координација на комитетите на отпорот“ соопшти дека воени сили од паравоената група Сили за брза поддршка (РСФ) извршиле два напади со дронови и испукале осум проектили кон бегалскиот центар „Дар ал Аркам“, кој се наоѓа во рамките на локален универзитет.

„Координација на комитетите на отпорот“ ја организира и координира хуманитарната помош за погодените од конфликтот во Судан и документира случаи на злоупотреби. јт/

Фото: ЕПА архива