Каиро, 31 август 2025 (МИА) – Најмалку три лица загинаа, а 94 се повредени кога патнички воз излета од шините во египетската област Матрух во северниот дел на земјата.

Несреќата се случила кога возот, кој сообраќал на линијата Александрија-Матрух, од непознати причини излетал од шините, при што се превртеле повеќе вагони, пренесуваат светските медиуми.

На местото на настанот беа испратени 30 амбулантни возила, а повредените биле пренесени во централната болница во Даба и болницата во Рас ел Хекма, каде што им била обезбедена медицинска помош. јт/

Фото: ЕПА илустрација