Неапол, 25 мај 2025 (МИА) - Доколку Антонио Конте ја напушти функцијата главен тренер на Наполи, раководството на клубот има намера да му понуди на Масимилијано Алегри двегодишен договор со плата од шест милиони евра по сезона, објави „Ла Газета дело Спорт“.

Поранешниот тренер на Јувентус и Милан, Алегри, е водечки кандидат за замена на Конте во Наполи, чиј договор е до 30 јуни 2027 година.

Алегри веќе го замени Конте во 2014 година во Јувентус.

Наполи ја освои Серија А во сезоната 2024/25, по четврти пат во својата историја стана шампион на Италија. зс/

Фото: ЕПА