Скопје, 27 ноември 2023 (МИА) - Над 400 000 граѓани, пензионери,  ученици, студенти, самохрани родители, ќе бидат опфатени со антикризните мерки што треба да бидат усвоени утре на седница на Владата, најави вицепремиерот за економски прашања Фатмир Битиќи. 

Одговарајќи на новинарско прашање колку компании се блокирани поради неплатен данок на солидарност Битиќи рече дека според последните податоци бројот е мал, под 20. Уште не се блокирани  сите компании  и секојдневно се менува бројот.

-Средствата од солидарниот данок ќе бидат искористени за антикризни мерки што очекуваме утре да бидат на седница на Владата и се насочени најранливите категории граѓани, тука спаѓа најголемата група граѓани, пензионерите, кои ќе добијат одреден надомест неколку месеци,  како и ученици, студенти, самохрани родители, итн...Буквално, најранливите категории, опфатот ќе биде навистина голем, над 400 илиајди граѓани ќе бидат опфатени со мерките, за тоа се користат средствата од солидарниот данок, рече  Битиќи, по прес-конференцијата за новите договори за регионален рамномерен развој. лв/са/

фото:МИА архива