Атина, 5 ноември 2025 (МИА) – Текот на спроведувањето на првата фаза од мировниот договор за Газа, го разгледале премиерите на Грција и Израел Киријакос Мицотакис и Бенјамин Нетанјаху во нивниот телефонски разговор, соопштија од кабинетот на Мицотакис, јави дописничката на МИА од Атина.

На ситуација во Газа се осврна и портпаролката на грчкото МНР Лана Зохиу на денешниот редовен брифинг одговарајќи на новинарско прашање и посочи дека за Грција главен приоритет е да се одржи примирјето и да се стабилизира ситуацијата, потенцирајќи дека првата фаза е важна за да има напредок кон следните фази.

- Грција се стреми да биде активно присутна во Газа како на хуманитарно ниво така и за обновата, односно да ја зголеми хуманитарната помош и да учествуваме во развојни активности во Газа, посочи Зохиу. ср/