19 септември 2024

Македонска Каменица - Општина Македонска Каменица преку работните активности на ЈП „Камена Река“, во соработка со Елколект – Скопје, се приклучува кон глобалната иницијатива за заштита на животната средина „Седмица за собирање на е-отпад“. 

Акцијата, како што објавија денеска од Општината, во Македонска Каменица, како и во повеќето општини во Македонија, ќе се одржи во периодот од 23 до 27 септември 2024 година. 

- Целта на активноста е да се подигање на свеста кај граѓаните од важноста за правилното одлагање на старите електронски уреди од домаќинствата. Овој вид отпад содржи опасни материи кои треба правилно да се одлагаат, бидејќи истите можат да бидат причинители за контаминирање на почвата и подземните води со опасни материи, објавија од Општина Македонска Каменица.

Јавното претпријатие „Камена Река дополнително ќе ги објави начините на собирање, како и локациите со собирните пунктови каде граѓаните ќе можат да извршат примопредавање на е-отпадот. 

- Со оваа акција, Општина Македонска Каменица и ЈП „Камена Река” даваат свој придонес во одбележувањето на чиста и здрава животна средина.  Напоменуваме, дека како граѓани треба масовно да се вклучиме во оваа Интернационална кампањата, како би покажале висока свест и лична одговорност кон природата, се додава во објавата по повод претстојната акција.

Скопје - Општина Центар распиша оглас за доделување на стипендии за талентирани ученици од сите осум основни училишта од областа на културата, спортот, науката, техниката и посебните вештини. Заинтересираните ученици кои сакаат да аплицираат за дадените огласи ќе може да поднесат документи само на еден (1) оглас од областа на култура, науки, техника и посебни вештини или спорт. Доколку ученикот поднесе документи во различни категории, истите нема да се разгледуваат. Комисијата при изборот на ученици стипендисти ќе го вреднува успехот постигнат во последните три учебни години.

Стипендиите за учениците од областа на науката, техниката и посебните вештини изнесуваат од 3.000,00 до 3.500,00 денари месечно, за учениците од областа на културата 2.500,00 денари и 3.000,00 денари месечно и за талентираните спортисти стипендијата изнесува од 2.500 до 3.500 денари месечно за осум месеци во текот на учебната 2024/2025 година.

Скопје - Без вода денеска од 9:15 часот се корисниците од на дел од улица „Коце Металец“ во населбата Железара.

Како што соопшти ЈП „Водовод и канализација“ - Скопје, прекинот е поради промена на затворач и хидрант од Ф-80мм на улицата „Коце Металец“ бр. 30.

Водоснабдувањето ќе биде прекинато до санирање на дефектот.