Мадрид, 20 декември 2024 (МИА) - Францускиот фудбалер на Реал Мадрид, Килијан Мбапе го именуваше турнирот на кој сонува да победи.

-Кој важен трофеј останува за освојување? Лигата на шампионите. Токму затоа дојдов во најдобриот клуб на светот, изјави Мбапе за „ЕСПН“.

Мбапе пред почетокот на сезонава се пресели во Реал Мадрид, потпишувајќи договор со шпанскиот тим до 2029 година. Претходно играше за ПСЖ.

Оваа сезона 26-годишниот фудбалер одигра 22 натпревари за „Кралевите“ во сите натпреварувања, притоа постигна 12 гола и две асистенции.

Мбапе веќе има два трофеја со Реал Мадрид – ги освои Суперкупот на УЕФА и Интерконтиненталниот куп. зс/

Фото: ЕПА