Лондон, 1 јуни 2023 (МИА) – Фудбалерот од средниот ред на Челзи, Мејсон Маунт се договори за личните услови со Манчестер јунајтед.

Според пишувањата на медиумите, раководството на клубот од „Олд Трафорд“ е уверено дека ќе успее да го реализира трансферот на 24-годишниот Англичанец.

Претходно, новинарот на „Гардијан“ Џејкоб Стајнберг објави дека играчот од средниот ред сака да го напушти Челзи и покрај доаѓањето на Маурисио Покетино во клубот. Договорот на играчот со сините истекува во летото 2024 година.

Маунт потекнува од школата на Челзи. Во сезоната 2022/23, постигна три гола и шест асистенции на 35 натпревари за тимот во сите натпреварувања.

Порталот „Transfermarkt.com“ ја проценува вредноста на играчот од средниот ред на 65 милиони евра. зс/

Фото: ЕПА