Кина сериозно загрижена од американскиот таен нуклеарен стратегиски план
- Кина е сериозно загрижена поради извештајот во кој се вели дека САД одобриле нуклеарен стратешки план кој се фокусира на брзото проширување на Кина на својот нуклеарен арсенал, соопшти кинеското Министерство за надворешни работи.
![Кина сериозно загрижена од американскиот таен нуклеарен стратегиски план](https://mia.mk/images/20240821134352_big_730x400_55.webp )
Пекинг, 21 август 2024 (МИА) - Кина е сериозно загрижена поради извештајот во кој се вели дека САД одобриле нуклеарен стратешки план кој се фокусира на брзото проширување на Кина на својот нуклеарен арсенал, соопшти кинеското Министерство за надворешни работи.
-САД го туркаат наративот за кинеската нуклеарна закана, наоѓајќи изговори за да бараат стратешка предност, рече портпаролот на кинеското Министерство за надворешни работи.
Според извештајот на „Њујорк тајмс“, американскиот претседател Џо Бајден во март одобрил високо класифициран нуклеарен стратешки план на брзорастечкиот кинески арсенал, но исто така се обидува да ги подготви САД за можни координирани нуклеарни предизвици од Кина, Русија и Северна Кореја.
-Кина е сериозно загрижена за релевантниот извештај, а фактите целосно докажаа дека САД во последните години континуирано ја поттикнуваат таканаречената кинеска теорија за нуклеарна закана, изјави портпаролот на кинеското Министерство за надворешни работи Мао Нинг на редовниот брифинг со новинарите.
Белата куќа соопшти дека доверливиот нуклеарен стратешки план одобрен од Бајден оваа година не е одговор на одредена земја или закана.
САД постојано укажуваат на експанзивниот и растечки нуклеарен арсенал на Кина. Во годишниот извештај на Пентагон минатиот октомври се вели дека Кина има повеќе од 500 оперативни нуклеарни боеви глави во својот арсенал и најверојатно ќе има повеќе од 1.000 боеви глави до 2030 година. мс/
фото: МИА архива