Исчистени повеќе диви депонии во Oпштина Јегуновце
- Општина Јегуновце изминатиов период презеде повеќе акции за расчистување на дивите депонии на територијата на општината. Расчистување на дивите депонии е во рамки на годишниот план за чистење
![Исчистени повеќе диви депонии во Oпштина Јегуновце](https://mia.mk/images/20221108165855_big_730x400_98.webp )
Тетово, 22 септември 2021 (МИА) - Општина Јегуновце изминатиов период презеде повеќе акции за расчистување на дивите депонии на територијата на општината. Расчистување на дивите депонии е во рамки на годишниот план за чистење на диви депонии на територија на општината и уредување на јавниот простор.
Дарко Блажески, градоначалник на Oпштина Јегуновце истакна дека исчистени се диви депонии и јавен простор во населените места Јегуновце, Шемшово, Вратница, патот од Јегуновце кон Подбреѓе, Прељубиште на патот кон Жилчe, како и во Туденце.![Исчистени диви депонии](/articles/images/%d0%b8%d1%81%d1%87%d0%b8%d1%81%d1%82%d0%b5%d0%bd%d0%b8-%d0%bf%d0%be%d0/R084dipi9/placeholder.webp?use_watermark=0)
Од Oпштина Јегуновце апелираат до жителите за подигнувње на јавната свест, да не се уништува и загадува животната средина и природата, а отпадот да се депонира на соодветна и безбедна локација. Од таму велат дека и во наредниот период ќе се продолжи со расчистување на дивите депонии во сите населени места. ас/фф/