Изложба на слики, цртежи и принтови од Суире Магали Симоне и Сергеј Јордановски
- Авторите на изложбата ќе се претстават со 20 дела, создадени во просториите на уметничкото атеље на ЈУ КИЦ - Скопје.
![Изложба на слики, цртежи и принтови од Суире Магали Симоне и Сергеј Јордановски](https://mia.mk/images/20240626174847_big_730x400_98.webp )
Скопје, 27 јуни 2024 (МИА) - Во ЈУ Културно информативен центар - Скопје вечер од 20 часот ќе биде отворена изложбата на слики, цртежи и принтови од Суире Магали Симоне и Сергеј Јордановски, информираат оттаму.
- Изложбата на ликовните уметници Суире Магали Симоне од Франција и Сергеј Јордановски од Македонија е во рамките на меѓународниот уметнички проект на вмрежени градови од Европа - „КРЕАРТ - Уметник во престој“, поддржана од Градот Скопје како еден од градовите - учесници, пишува во соопштението.
Според најавата, авторите на изложбата ќе се претстават со 20 дела, создадени во просториите на уметничкото атеље на ЈУ КИЦ - Скопје. бд/лв/
Фото: Културно информативен центар - Скопје