Амстердам, 14 јули 2023 (МИА) - Изборите во Холандија ќе се одржат на 22 ноември, објави Холандската радиодифузна корпорација (НБЦ), повикувајќи се на владини извори.

Коалициската влада на Холандија падна минатата недела откако не постигна договор за ограничување на имиграцијата.

Марк Руте, кој беше на чело на земјата 13 години и најдолговечниот премиер во нејзината историја, во понеделникот објави дека се повлекува од политиката.

Холандската министерка за финансии Сигрид Каг и министерот за надворешни работи Вопке Хукстра исто така изјавија дека нема да се кандидираат на претстојните избори. паг/

Фото: МИА архива