Штутгарт, 11 јуни 2024 (МИА) – Најдобриот германски тенисер Александр Зверев, кој во неделата загуби во финалето на Ролан Гарос од Шпанецот Карлос Алкараз во пет сетови, го откажа денеска настапот на АТП турнирот од серијата 250 во Штутгарт.
Местото на Зверев ќе го заземе 37-годишниот Французин Ришар Гаске.
Тој директно во второто коло на турнирот влегува како „среќен губитник“ и го очекува дуел против Американецот Брендон Накашима.
Со откажувањето на учеството во Штутгарт, Зверев ќе си обезбеди дополнителна недела одмор пред почетокот на сезоната на трева. ег ФОТО: Фејсбук