Кочани, 18 август 2023 (МИА) – Одделението за урбанизам на Општина Кочани регистрирало зголемен интерес за градење објекти во првата половина од оваа година и издало вкупно 36 одобренија за градба, што е за над 70 отсто повеќе во однос на истиот период минатата година.

Поголем број од одобренијата им се издадени на деловни субјекти, а вкупната проценетата вредност на објектите изнесува над 257 милиони денари.

-Во првите шест месеци позитивно се решени вкупно 51 барање за кои се издадени 36 одобренија, а останатите се решенија за градба, во зависност од тоа за каков градежен објект се работи. Најголем број одобренија се издадени во текот на март и јуни, кога вообичаено има засилена градежна активност, истакнаа од Секторот за урбанизам на Општина Кочани.

Спред бројот на позитивно решени барања за градење, Кочани е во врвот меѓу општините од Источниот плански регион, каде се издадени над 250 одобренија за градба.

Порастот на бројот на издадени одобренија се толкува како резултат на надминувањето на ковид кризата и загриженоста кај инвеститорите за развојот на ситуацијата во претходниот неколкугодишен период. та/дма/

Фото: MИА