Анкара, 29 јануари 2025 (МИА) – Турскиот претседател Реџеп Таип Ердоган, денеска во Анкара се сретна со претседателот на советот на Хамас, Мухамед Дервиш и делегацијата на Хамас, јави Анадолија.

Ердоган на средбата рекол дека Анкара ќе продолжи да ја разоткрива реалноста во Газа, каде што на 19 јануари стапи во сила трифазен прекин на огнот.

Тој исто така изрази надеж за успешно завршување на втората и третата фаза од прекинот на огнот, „што на крајот ќе доведе до целосно повлекување на израелските сили од Газа и почеток за реконструкција“, соопшти Дирекцијата за комуникации на турското Претседателство.

Дирекцијата соопшти дека на средбата присуствувал и министерот за надворешни работи на Турција, Хакан Фидан, директорот на МИТ, Ибрахим Калин, директорот за комуникации на турското Претседателство, Фахретин Алтун, главниот советник за надворешна политика и безбедност на турскиот претседател, Акиф Чагатај Килич и секретарот на турскиот претседател, Хасан Доган. јт/

Фото: Анадолија