Париз, 26 април 2024 (МИА) - Тренерот на Пари Сен Жермен, Луис Енрике, кој се уште е во борба за тројна круна на крајот од сезоната - титула, Куп на Франција и Лигата на шампионите - призна дека имал „прекрасен момент“ со францускиот гигант, пренесоа француските медиуми. Ова се случува во пресрет на натпреварот против Ле Авр во сабота, по кој ПСЖ може да ја освои титулата во Лига 1.

-Влегуваме во крајот на сезоната со позитивни очекувања. Се наоѓаме во одличен момент, на располагање ги имаме речиси сите играчи, освен Преснел Кимпемба и Серхио Рико. Дури и тие двајца имаат шанси да играат. Навивачите ќе бидат среќни, рече шпанскиот стручњак на прес-конференција.

Бидејќи во среда се приближува првото полуфинале со Борусија Дортмунд, Шпанецот би можел да направи некои промени во својот тим.

-Ќе продолжам во ист стил, ќе сменам некои играчи. Зошто го правам тоа? Она што може да се промени е да станеме шампиони утре и пред нашите навивачи, што би било идеално, увери тој.

Запрашан за подобреното ниво на неговиот тим, тренерот одговори: „Да, сега има поголема зрелост во споредба со февруари. Но, тоа е дел од еден процес, ПСЖ се промени многу од летото. Тоа е период на градење тим. Ќе видиме на крајот од сезоната што сме постигнале. Убеден сум дека следната година ќе бидеме посилни“. дс

Фото: Архива