Египет испрати најголем конвој со хуманитарна помош досега во Појасот Газа
Каиро, 27 јануари 2025 (МИА) – Египет испрати најголем конвој со хуманитарна помош досега во Појасот Газа, соопшти Државната информативна служба.
Вкупно 305 камиони натоварени со шест илјади тони помош и единаесет амбулантни возила тргнаа од Каиро кон блокираната палестинската енклава.
Помошта се состои од лекови, медицински материјали и опрема, големи количини конзервирана храна, млеко, сокови, вода, облека, ќебиња, шатори, теписи, адаптирани млека за бебиња, пелени, средства за дезинфекција и друго.
Единаесетте амбулантни возила обезбедени се од Индонезија, Малезија и од советникот на главниот имам на Универзитетот Ал-Азхар и исламската добротворна иницијатива „Закат“.
Во Појасот Газа вчера преку граничните премини Карам Абу Салем (Керем Шалом) и Ал-Вуџа пристигна конвој од 260 камиони. ми/
фото: ДПА
