• понеделник, 20 мај 2024

Египет бара Израел да ги отвори премините со Појасот Газа

Египет бара Израел да ги отвори премините со Појасот Газа

Истанбул, 20 април 2024 (МИА) - Египетскиот министер за надворешни работи Самех Шукри денеска побара Израел да ги отвори премините со опколениот Појас Газа за да може хуманитарната помош да стигне до палестинскиот народ во таа енклава.

- Бараме да се отворат шест израелски премини со Газа за хуманитарна помош, рече Шукри на заедничката прес-конференција со турскиот министер за надворешни работи Хакан Фидан во Истанбул.

Шефот на египетската дипломатија истакна дека „непостапувањето по ова барање занчи прекршување на меѓународното право, пренесува агенцијата Анадолија.

Тој истакна дека Египет „ангажирал меѓународни сојузници за формирање центар во Газа за дистрибуција на помошта“.

- Мораме да го спречиме раселувањето на Палестинците и да работиме на формирање независна палестинска држава, рече Шукри.

Тој, исто така, оцени дека иранско-израелската тензиии „го оттргнуваат вниманието на меѓународната заедница од трагичната ситуација во Газа“.

Турскиот министер за надворешни работи Фидан рече дека израелската окупација на палестинските територии е една од основните причини за нестабилност во регионот на Блискиот Исток, предупредувајќи дека палестинското прашање може да предизвика глобални проблеми.

Порача дека соработката меѓу Египет и Турција е исклучително корисна за двата народи и за регионот.са/

Фото: ЕПА

 

Остани поврзан