Дождот го одложи за еден час почетокот на Ф1 трката за ГН на Сингапур
Сингапур, 2 октомври 2022 (МИА) – Трката од Формула 1 шампионатот за Големата награда на Сингапур не стартуваше во 14 часот. Причина за одлагањето на почетокот е дождот кој паѓа во Сингапур.
На патека „Марина Беј“ треба да се одржи првата трка по 2019 година. Ова ќе биде 17-та трка сезонава во Формула 1, по која постојат теоретски шанси Макс Верстапен втор пат по ред да ја освои шампионската титула.
Дождот во меѓувреме престана, па се очекува во 15:05 часот болидите да го почнат пробниот круг. зс/
