Париз, 30 јануари 2025 (МИА) – Фудбалерот на Пари Сен-Жермен, Усман Дембеле ги искажа импресиите по неговиот хет-трик синоќа на натпреварот од 8. коло од Лигата на шампионите со Штутгарт (4:1).

Дваесет и седумгодишниот крилен напаѓач постигна голови во 17., 35. и 54. минута од натпреварот.

-Одигравме одличен натпревар. ПСЖ беше решен да се квалификува и да игра во плеј-офот. И токму тоа го постигнавме со нашите настапи на последните два натпревари, изјави Дембеле.

ПСЖ освои 13 бода, го зазеде 15-тото место на табелата во Лигата на шампионите.

Ждрепката за плејофот ќе се одржи утре, првите натпревари ќе се одиграат на 11/12 февруари, реваншите на 18/19 февруари. зс/

Фото: ЕПА