Прага, 17 јуни 2024 (МИА) - Девет војници се повредени во експлозија на чешка воена локација што се користи за обука на украинските војници, соопшти армијата.

Двајца војници се пренесени со хеликоптер во Универзитетската болница во блискиот град Оломуц, околу 200 километри источно од главниот град Прага, изјави портпаролот на болницата Адам Фричер.

„Шестмина се пренесени во армиската болница во Оломоуц со комбиња за брза помош, а еден беше лекуван на лице место“, изјави тој.

Либава, источно од Оломоуц, е местото каде чешката армија ги обучува украинските војници од крајот на 2022 година, по руската инвазија на Украина во февруари истата година.

Според портпаролката на воената полиција Катерина Млинкова повредените „не биле странци“.

Армијата на X рече дека „експлодирала муниција“ без да даде дополнителни детали.зш/