Мемфис, 21 април 2024 (МИА) - Две лица загинаа, а 14 се повредени синоќа при пукање на забава во градски парк во американскиот град Мемфис, соопшти полицијата.

Полицајците од полициската управа во Мемфис реагирале во 19:19 часот на пријава за пукање, изјави началникот на полицијата Серилин Дејвис на прес-конференција на местото на инцидентот.

Тој рече дека полицијата пронашла пет лица со прострелни рани. „Двајца мажи починале на местото на настанот, а три лица биле пренесени во околните болници во критична состојба“, истакна Дејвис.

Други 11 жртви самите побарале лекарска помош. На забавата, која не била одобрена од властите, присуствувале од 200 до 300 луѓе. Не се соопштува за апсења. рп/

Фото: МИА архива