• петок, 12 јули 2024

Грин Машинс потпиша договор со најголемата американска компанија за изнајмување на машини и опрема 

Грин Машинс потпиша договор со најголемата американска компанија за изнајмување на машини и опрема 

Скопје, 27 август 2023 (МИА) - Компанијата ќерка на БРАКО, Грин Машинс и американскиот гигант Јунајтед Ренталс (United Rentals) потпишаа договор за соработка со кој американскиот партнер ќе купува возила од земјава за потребите на своите клиенти во САД и Канада.

-Јунајтед Ренталс во македонските возила препозна можност за на американскиот пазар да нуди висок квалитет кој е на ниво на светските  конкурентски компании, но со поповолна цена, како и да ја користи предноста што БРАКО и Грин Машинс произведуваат возила на водород и на струја, како и на класичен погон,  кои можат да задоволат различни потреби на клиентите при одржувањето на урбаната јавна хигиена, велат од БРАКО.

Јунајтед Ренталс, додаваат, е најголемата компанија во САД за изнајмување на машини и опрема, рангирана е на листите  Fortune 500 и Forbes2000, котира на берзата во Њу Јорк и е една од компаниите со најголем раст во последните 25 години.

-Грин Машинс веќе има своја фирма во САД, со седиште во Калифорнија, но со договорот со реномираниот Јунајтед Ренталс ќе обезбеди уште побрз пробив на квалитетните македонски возила на пребирливиот американски пазар, истакнуваат од БРАКО.вј/

Фото: БРАКО

Остани поврзан