Штип, 17 јули 2024 (МИА) - Партерно се уредува пристапната улица „Борко Талев“ позади штипската Гимназија „Славчо Стојменски“, на овој потег се уредуваат и паркинг места. Градоначалникот на Општина Штип, Иван Јорданов на денешната прес-конференција рече дека со овие активности на терен се работи на задоволување на потребите на граѓаните и зголемување на паркинг местата во центарот на градот.

-Партерното уредување во оваа фаза очекува да заврши во текот на наредната недела. Издвоени се нешто повеќе од 500 илјади денари за целиот опфат кој го предвидува првата фаза, вели Јорданов.

Паралелно на ова ќе се работи и на уредување на дворот на стариот Здравствен дом во Штип. Овде ќе се обезбедат нови 35 паркинг места. Активностите на терен се со цел подобрување на постоечката инфраструктура во централното градско подрачје, но и во насока на зголемување на паркинг местата. вдј/цр

Фото: МИА