Германците пресилни за македонските фудбалери
- Прв пораз за македонската фудбалска репрезентација на домашен терен во квалификациите за Светското првенство 2022. Вечерва во Скопје „црвено-жолтите“ беа целосно надиграни од фаворитот Герман
![Германците пресилни за македонските фудбалери](https://mia.mk/images/20221108195902_big_730x400_22.webp )
Скопје, 11 октомври 2021 (МИА) – Прв пораз за македонската фудбалска репрезентација на домашен терен во квалификациите за Светското првенство 2022. Вечерва во Скопје „црвено-жолтите“ беа целосно надиграни од фаворитот Германија која славеше победа со 4:0.
Гостите од самиот почеток покажаа дека на „Тодор Проески“ се дојдени со цел да се реваншираат за поразот во Дуисбург во март со 1:2.
Сепак, по првото полувреме и покрај доминацијата на „панцирите“ резултатот остана оној почетниот, 0:0.
Головите беа постигнати во второто полувреме. Најпрво Каи Хаверц го отвори резултатот, а потоа два пати во листата на стрелците се запиша Тимо Вернер, за конечниот резултат да го постави Џамал Мусијала.
Со овој триумф, Германија (21 бод) го обезбеди првото место во Ј-групата и пласманот на Мундијалот во Катар.
Македонскиот национален тим падна на 3. место со 12 бода, но се уште е со шанса за второто место кое води во баражот.
На другите две средби од 8. коло, Романија – Ерменија 1:0 и Исланд – Лихтенштајн 4:0. Романците се втори со 13 бода, Ерменците се четврти со 12, Исланд има 8, Лихтенштајн е последен со еден бод. зс/
![мкд-гер 2](/articles/images/%d0%b3%d0%b5%d1%80%d0%bc%d0%b0%d0%bd%d1%86%d0%b8%d1%82%d0%b5-%d0%bf%d1/xMoqwU8Eh/placeholder.webp?use_watermark=0)
![мкд-гер 3](/articles/images/%d0%b3%d0%b5%d1%80%d0%bc%d0%b0%d0%bd%d1%86%d0%b8%d1%82%d0%b5-%d0%bf%d1/tqvHgU3Yu/placeholder.webp?use_watermark=0)