Во Полска најавен митинг на екстремната десница, и покрај забраната
Варшава, 11 ноември 2021 (МИА) - Илјадници приврзаници на екстремната десница се очекува денеска да маршираат низ Варшава по повод Денот на независноста, и покрај судската забрана.
Организаторите на парадата, Канцеларијата на воени ветерани и жртви на репресија, тврдат дека таа ќе се одржи во чест на униформираните офицери кои служат како „граничари“ и дека сакаат да ја нагласат важноста на заштитата на полскиот суверенитет од натрапниците.
Градските власти на Варшава ја оспорија регистрацијата на маршот на суд, прво во редовниот, а потоа и во апелацискиот суд, но ветераните соопштија дека му дале официјален статус за да може да се одржи, додавајќи дека „не можат да ја разберат“ одлуката на градоначалникот на Варшава.
На парадата се очекува да учествуваат и други екстремно десничарски партии од Европа.
Критичарите од левицата ја обвинуваат владејачката конзервативна партија Право и правда (ПиС) дека го поддржува митингот со „преземање одговорност за сè што може да се случи за време на маршот, за каков било конфликт и какво било намерно палење на имотот“.
Во Полска ескалира кризата на границата која се заканува со повлекување на Русија и НАТО. паг/
