Во Кривичен продолжи судењето за случајот „Ласкарци“
- Со испитување на вештакот Зекирија Зекири во Основниот кривичен суд во Скопје денеска продолжува судењето за автобуската несреќа кај Ласкарци, во која загинаа 16 лица и околу 30 беа повредени.
![Во Кривичен продолжи судењето за случајот „Ласкарци“](https://mia.mk/images/20230316102054_big_730x400_75.webp )
Скопје, 16 март 2023 (МИА) – Со испитување на вештакот Зекирија Зекири во Основниот кривичен суд во Скопје денеска продолжува судењето за автобуската несреќа кај Ласкарци, во која загинаа 16 лица и околу 30 беа повредени.
На претходното рочиште беше испитано вештото лице Јованка Савова, дел од тимот што го изготви супервештачењето за предметот.
![Ласкарци Возачот на автобусот на „Дурмо турс“ што се преврте кај Ласкарци, не разговарал на мобилен телефон и не задремал, но можно е да се завртел кон лево со телото или пак да погледнал надолу пред](/articles/images/%D1%81%D1%83%D0%B4%D0%B5%D1%9A%D0%B5-%D0%B7%D0%B0-%E2%80%9E%D0%BB%D0%B0%D1%81%D0%BA%D0%B0%D1%80%D1%86%D0%B8%E2%80%9C:-%D0%B2%D0%BE%D0%B7%D0%B0%D1%87%D0%BE%D1%82-%D0%BD%D0%B5-%D1%80%D0%B0%D0%B7%D0%B3%D0%BE%D0%B2%D0%B0%D1%80%D0%B0%D0%BB-%D0%BD%D0%B0-%D0%BC%D0%BE%D0%B1%D0%B8%D0%BB%D0%B5%D0%BD,-%D0%BC%D0%BE%D0%B6%D0%BD%D0%BE-%D0%B5-%D0%B4%D0%B0-%D1%81%D0%B5-/Hm/placeholder.webp?use_watermark=0)
Обвинети во случајот за несреќата кај Ласкарци, што се случи на 13 февруари 2019 година, а во која загинаа 16 лица и над 30 беа тешко повредени, се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот, Маноил Трифуновски, кои се товарат за сторени тешки дела против безбедноста на луѓето и имотот во сообраќајот. Додека, тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело.
Судскиот процес за несреќата што започна во септември 2019 година го води судијката Диана Груевска Илиевска, а застапник на обвинението е јавниот обвинител, Дарко Јакимовски. свс/аа/
Фото: МИА архива