Барселона, 3 декември 2024 (МИА) - Барселона е подготвена да се раздели со Френки де Јонг на крајот од сезоната. Според „Diario Sport“, на ситуацијата на играчот од средниот ред во клубот влијаела повредата на зглобот добиена во април, поради која пропушти речиси шест месеци. 

Пред повредата, спортскиот директор на Барселона сметаше дека Де Јонг е важен дел од проектот, тие сакаа да го продолжат неговиот договор.

Со оглед на променетата улога на Де Јонг во тимот, Барселона веќе нема намера да преговара за продолжување на неговиот договор, кој истекува во 2026 година. Клубот е подготвен да го стави играчот од средниот ред на трансфер и дозволува негова продажба за мала сума. Тамошните медиуми тврдат дека Каталонците се подготвени да разгледаат понуди од 20 милиони евра.

Се истакнува дека главниот проблем за Барселона е високата плата на Де Јонг - околу 35 милиони евра годишно пред оданочување.

Де Јонг оваа сезона одигра шест натпревари за Барселона во Ла Лига. зс/

Фото: ЕПА