Бергамо, 21 јануари 2020 (МИА) – Екипата на Аталанта неочекувано го загуби синоќешниот дуел со СПАЛ од 20. коло од италијанскиот шампионат. Гостите победија со 2:1 и не се веќе последни на табелата. За домаќините погоди Јосип Иличиќ во 16.минута, Андреа Петања во 54. минута го најави изненадувањето, додека Матија Валоти го постигна победничкиот гол за СПАЛ во 60. минута. Аталанта со 35 бода го зазема петтото место на табелата во Серија А, СПАЛ се искачи на 18.место со 15 бода. зс/