Милано, 17 февруари 2025 (МИА) - Легендарниот тренер на Милан и италијанската репрезентација, Ариго Саки, изненадувачки ја откри својата намера да се врати на тренерската работа на 78-годишна возраст, речиси 25 години по неговата последна тренерска работа.

Саки го предводеше Милан до два европски купа во 1988/89 и 1989/90, а италијанската репрезентација до финалето на Светското првенство во 1994 година, но не раководел со професионален тим откако ја презеде Парма во 2001 година. Тој исто така имаше ангажман како директор за фудбал на Реал Мадрид во 2004/05 година. а подоцна продолжи да служи како технички координатор на младинските национални тимови на Италија помеѓу 2010 и и 2014 година. 78-годишниот Италијанец тврди дека имал разговори со тимови во повеќе различни земји во Европа и Јужна Америка.

-Размислувам да се вратам на тренерската работа во Италија или во странство. Имам неколку опции, но не знам дали тоа ќе биде во Италија бидејќи имам една мана: го кажувам она што го мислам и понекогаш морам да го кажам тоа што го мислам и за нас. И се каам што понекогаш го кажувам. Имам опции во Бразил, Аргентина, Шпанија и многу други земји, изјави Саки за „Аднкронос“. дс

Фото: Архива