Ангеловски: Откако ја погледнав снимката, одлучив Несторовски да го ослободам за мечот со Германија
- Селекторот на македонската фудбалска репрезентација Игор Ангеловски, одлучи да не го стави во составот Илија Несторовски, кој синоќа по постигнувањето на голот против Лихтенштајн се упати кон
![Ангеловски: Откако ја погледнав снимката, одлучив Несторовски да го ослободам за мечот со Германија](https://mia.mk/images/20221106145032_big_730x400_63.webp )
Скопје, 29 март 2021 (МИА) – Селекторот на македонската фудбалска репрезентација Игор Ангеловски, одлучи да не го стави во составот Илија Несторовски, кој синоќа по постигнувањето на голот против Лихтенштајн се упати кон една од камерите и искажа вулгарни зборови.
- Бидејќи вчера на прес-конференцијата кажав дека од кога ќе ја погледнам снимката ќе ја коментирам ситуацијата со Несторовски сакам да и го соопштам на јавноста следното:
Најнапред драго ми е што се извини и што даде свое објаснување зошто го направил тоа, но такво однесување од репрезентативец не може да помине несанкционирано, затоа е ослободен од обврските за следниот натпревар со Германија, соопшти Ангеловски.
Македонскиот национален тим ќе гостува во Германија на 31 март. зс/