Манчестер, 15 декември 2024 (МИА) - Менаџерот на Манчестер Јунајтед, Рубен Аморим пред градското дерби против Манчестер Сити на „Етихад“ денеска од 17:30 часот, изјави дека градскиот ривал е толку добар во тоа што го прави, што може во секој момент да ја промени динамиката на резултатите.

-Ова е многу силен тим со долги години заедничка работа. Тие освоија многу, но исто така изгубија многу. Ние имаме поголем проблем затоа што работиме на едноставни работи, но сакаме да победиме, а истото го сака и Манчестер Сити, изјави Португалецот.

Додаде дека ќе треба време за да се променат работите на „Олд Трафорд“.

-Заборавете на тренерот, на клубот му треба време. Ова мора да се разбере и да се фокусираме на секој детал. Мораме многу да се подобриме, не само резултатски, изјави уште Аморим. дс

Фото: Архива