Вашингтон, 16 април 2024 (МИА) – Американската морнарица потрошила речиси една милијарда долари на муниција за да спречи „над 130 директни напади“ врз американските воени и трговски бродови на Блискиот Исток во изминатите шест месеци, изјави денеска секретарот на американската морнарица.

Секретарот на американската морнарица Карлос Дел Торо ги повика пратениците да го усвојат дополнителниот пакет за национална безбедност за надополнување на муницијата.

- Во текот на последните шест месеци … ние всушност се спротивставивме на преку 130 директни напади врз бродови и трговски бродови на американската морнарица, изјави Дел Торо пред Комитетот за доделување средства на Сенатот.

- Муницијата што е критична за овие контра напади е исклучително важна за департментот на морнарицата, рече Дел Торо.

- Во моментов имаме муниција од приближно една милијарда долари што треба да ја надополниме во одреден момент. Затоа, над две милијарди долари што се предвидени во дополнителните се многу критични за нашата морнарица и маринци за да можат да ја надополнат таа муниција и да продолжат да ги обезбедуваат видовите одбранбени мерки што ги имаме во последните шест и пол месеци, истакна тој. јт/

Фото: Х