Леверкузен, 27 мај 2024 (МИА) - Тренерот на Баер, Чаби Алонсо, се осврна на победата на тимот во финалниот натпревар од Купот на Германија против Кајзерслаутерн.

Тимот од Леверкузен во саботата победи со 1:0 и стигна до двојна круна во Германија.

-За да дојдеме до таква победа мораше да го покажеме нашиот тимски дух. Се боревме напорно, тоа го направивме за сите навивачи на клубот. Ми треба уште малку време да ги средам сите впечатоци. Тоа беше сезона од соништата. Треба да уживаме, изјави Алонсо за „Kicker“.

Тој истакна дека и со фудбалер помалку, тимот е подготвен да се бори за победа, покажувајќи добро координирана игра.

Поради исклучувањето на Косуну во 44. минута, Баер во текот на второто полувреме играше во малцинство.

Во сезоната 2023/24, Баер стана германски шампион без да загуби ниту еден од нивните 34 натпревари во Бундеслигата. зс/

Фото: ЕПА