АБА-лига: МЗТ Скопје ја изненади Цедевита Олимпија и ги зголеми шансите за опстанок
- Македонскиот кошаркарски шампион МЗТ Скопје Аеродром вечерва на домашен терен забележа значајна победа над фаворитот Цедевита Олимпија.
![АБА-лига: МЗТ Скопје ја изненади Цедевита Олимпија и ги зголеми шансите за опстанок](https://mia.mk/images/20230204195121_big_730x400_78.webp )
Скопје, 4 февруари 2023 (МИА) – Македонскиот кошаркарски шампион МЗТ Скопје Аеродром вечерва на домашен терен забележа значајна победа над фаворитот Цедевита Олимпија.
Аеродромци во најголем дел од натпреварот беа подобар противник и имаа водство кое на моменти беше двоцифрено за конечни 79:74.
Засилувањето Кеандре Кук со 26 поени имаше одлично деби пред домашните симпатизери. Војдан Стојановски со 18, Мајк Кефи со 14 и Абдул-Малик Абу со 10 беа играчите со двоцифрен ефект.
Ова е трета победа за МЗТ Скопје по 18 одиграни натпревари во регионалната АБА-лига. Тимот од Аеродром и натаму е последен на табелата, но оваа победа може да биде поттик дека може да се избори опстанок. зс/