Мајами, 22 март 2025 (МИА) - Новак Ѓоковиќ се изедначи со Рафаел Надал за најмногу победи на ниво на Мастерс 1000, откако шесткратниот шампион победи со 6:0, 7:6(1) против Ринки Хиџиката во мечот од второто коло на турнирот во Мајами и ја прекина серијата од три порази.

Србинот, кој ги држи рекордите за најмногу титули (40), финалиња (59) и полуфиналиња (78) на второто највисоко ниво на тенисот, сега е изедначен со Надал за победи (410) откако серијата беше основана во 1990 година.

-Од почетокот на натпреварот играв на многу високо ниво. Знаев што ми треба чисто тактички бидејќи играв против него на мојот прв натпревар сезонава во Бризбејн. Повторно го гледав и си ја одработив домашната задача, изјави Ѓоковиќ по победата.

Ѓоковиќ, кој има 99 титули на АТП турнејата, оваа година ќе се обиде да го собори рекордот на Андре Агаси за трофеи во Мајами, а Американецот и понатаму е изедначен со него на шест.

Во следното коло ќе се сретне со „среќниот губитник“ Камило Уго Карабели, кој победи против Американецот Алекс Микелсен со 6:7(3), 7:5, 6:3.

За Србинот, ова е негов прв натпревар во Мајами од 2019 година и 501. натпревар на ниво на Мастерс 1000.

На турнирот влезе со својата прва серија од три порази од 2018 година, откако се повлече од Австралија опен поради повреда и беше поразен во Доха и Индијан Велс. дс

Фото: Архива