Шпанија го освои првото издание на женската Лига на нации
- Светскиот шампион Шпанија ја продолжи доминацијата во женскиот фудбал, откако синоќа ја совлада Франција со 2:0 во финалето на првото издание на Лигата на нации.
![Шпанија го освои првото издание на женската Лига на нации](https://mia.mk/index.php/images/20240229100647_big_730x400_63.webp )
Севилја, 29 февруари 2024 (МИА) - Светскиот шампион Шпанија ја продолжи доминацијата во женскиот фудбал, откако синоќа ја совлада Франција со 2:0 во финалето на првото издание на Лигата на нации.
Шпанките доминираа на натпреварот од почеток до крај, а Французинките создадоа само неколку шанси во првото полувреме.
Добитничката на наградата за играч на годината за 2023 година, Аитана Бонмати ги доведе светските шампиони во водство во 32. минута, а Мариона Калдентеи ги постави конечните 2:0 во 53. минута.
Германија заврши на третото место по победата со 2:0 во малолетното финале против Холандија.
Така Германките, Шпанките и домаќините од Франција се трите европски селекции кои ќе играат на Олимпијадата во Париз.
Останатите селекции кои обезбедија пласман на фудбалскиот турнир на ЛОИ 2024 се: САД, Бразил, Колумбија, Канада, Нов Зеланд, Австралија и Јапонија.
Последните две селекции кои ќе ја претставуваат Африка ќе бидат познати по олимписките квалификации на почетокот на април. зс/
Фото: ЕПА