Париз, 18 декември 2024 (МИА) – Францускиот претседател Емануел Макрон нема да присуствува на самитот на Европската унија в четврток во Брисел и ќе го претставува германскиот канцелар Олаф Шолц, соопшти денеска Елисејската палата.

Макрон треба да отпатува на француската територија на Индискиот Океан Мајот за да ја провери штетата предизвикана од циклонот Чидо во изминатиот викенд. Се верува дека стотици луѓе загинале во катастрофата.

Германија да ја претставува Франција е воспоставена практика во такви околности, соопшти кабинетот на Макрон.

Како што пренесува ДПА, односите меѓу двајцата лидери моментално се затегнати поради наводите дека двете клучни земји на ЕУ не секогаш се на иста страна. И двајцата лидери во моментов се под екстремен домашен притисок.

На самитот на ЕУ ќе се разговара, меѓу другото, за војната во Украина, ситуацијата на Блискиот Исток и илегалната миграција во Унијата.

Во Брисел денеска се одржуваат средби на највисоко ниво. Макрон требаше да се придружи на вечерата на самитот ЕУ-Западен Балкан. јт/

Фото: ДПА