Челси е подготвен да го продаде Стерлинг на Јувентус
- Англискиот фудбалски клуб Челси е подготвен да го продаде Рахим Стерлинг на Јувентус, но само за доволно добра трансферна сума, пренесе „Скај спортс“. Дваесет и девет годишниот офанзивец има пазарна цена од 35 милиони фунти, но управата на клубот ќе бара повеќе пари.
![Челси е подготвен да го продаде Стерлинг на Јувентус](https://mia.mk/index.php/images/20240819175306_big_730x400_40.webp )
Лондон, 19 август 2024 (МИА) - Англискиот фудбалски клуб Челси е подготвен да го продаде Рахим Стерлинг на Јувентус, но само за доволно добра трансферна сума, пренесе „Скај спортс“. Дваесет и девет годишниот офанзивец има пазарна цена од 35 милиони фунти, но управата на клубот ќе бара повеќе пари.
Менаџерот Енцо Мареска не го вклучува крилниот напаѓач во своите планови. Во оваа фаза, само неговата огромна неделна плата е проблем за „бјанконерите“, кои имаат буџетски ограничувања и не можат да си дозволат да плаќаат толку високи плати на своите играчи.
Стерлинг беше изоставен од групата во поразот на „сините“ со 2:0 од Манчестер Сити во вчерашниот натпревар од првото коло во Премиер лигата.
Англискиот репрезентативец пристигна на „Стемфорд Бриџ“ во 2022 година. Во сите натпреварувања забележа 81 натпревар и постигна 19 голови. дс
Фото: Архива