Челзи понуди 65 милиони евра за Феликс
- Премиерлигашот Челзи понуди 65 милиони евра за фудбалерот на Атлетико Мадрид, Жоао Феликс.
![Челзи понуди 65 милиони евра за Феликс](https://mia.mk/index.php/images/20240813141409_big_730x400_65.webp )
Лондон, 13 август 2024 (МИА) – Премиерлигашот Челзи понуди 65 милиони евра за фудбалерот на Атлетико Мадрид, Жоао Феликс.
Според „O Jogo“, лондонци сакаат да ја поделат оваа сума.
Челзи планира веднаш да плати 35 милиони евра и уште 30 милиони во иднина. Времето на втората рата не е одредено.
Клубовите се уште не постигнале договор и продолжуваат да комуницираат. Забележано е дека Феликс е заинтересиран за трансферот.
Крилниот напаѓач веќе играше за Челзи во втората половина од сезоната 2022/23 - на позајмица. Минатата сезона беше на позајмица во Барселона. зс/
Фото: ЕПА