Чави: Немаме пораз три месеци, се подобривме во одбраната, ова е најдобриот период во сезоната
- Шпанскиот фудбалски шампион Барселона вчеравечер го победи Кадиз и ја продолжи успешната резултатска низа.
![Чави: Немаме пораз три месеци, се подобривме во одбраната, ова е најдобриот период во сезоната](https://mia.mk/index.php/images/20240414121006_big_730x400_39.webp )
Барселона, 14 април 2024 (МИА) – Шпанскиот фудбалски шампион Барселона вчеравечер го победи Кадиз и ја продолжи успешната резултатска низа.
Тренерот Чави потсети дека Барселона долго време нема пораз и го пофали својот тим за играта во одбрана.
- Нашиот тим одигра многу добар натпревар од аспект на сериозност и професионалност. Сакавме да продолжиме да вршиме притисок врз Реал. Оние кои играат помалку од другите се претставија на одлично ниво. Освоивме три важни бода. Имам многу добри односи со играчите. Знаев дека ќе направиме чекор напред. Мислам дека нашиот тим се подобри, станавме подобри во одбраната, станавме поамбициозни. Ова е најдобриот период во сезоната. Немаме пораз три месеци, а гледам дека тимот е во совршен ред. Треба да го искористиме овој позитивен моментум. Сега доаѓа најдобрата, најубавата и највозбудливата сцена, идеална за борење. Ќе имаме неверојатна фудбалска војна во вторник, а потоа и Класико. Сакаме да постигнеме нешто значајно, изјави тренерот на Барселона.
Каталонците во вторник на домашен терен ќе го играат реваншот со Пари Сен-Жермен во четвртфиналето на Лигата на шампионите. Првиот натпревар во Париз заврши со победа на Барселона 3:2. зс/
Фото: ЕПА