Загреб, 6 декември 2024 (МИА) - Хрватскиот премиер Андреј Пленковиќ денеска успешно го преживеа гласањето за недоверба на неговата влада, предложено од Социјалдемократската партија. Причина за гласањето недоверба беа обвинувањата за корупција против поранешни министри и функционери од владејачката Хрватска демократска заедница (ХДЗ).

Во парламентот, 76 пратеници гласаа против недовербата, додека 64 ја поддржаа. Опозицијата немаше доволно гласови за да ја собори владата.

Случајот што го иницираше гласањето беше апсењето на поранешниот министер за здравство Вили Берош, кој е обвинет за примање мито и злоупотреба на положбата. Иако беше притворен на еден месец, подоцна беше ослободен по исказите на сите сведоци.

Пленковиќ потврди дека апсењето на Берош е непријатна афера која повеќе го потресе ХДЗ отколку опозицијата. Тој додаде дека Владата е решена целосно да го истражи случајот и ја дава својата безрезервна поддршка на органите на прогонот. ссм/

фото: архива