Скопје, 12 октомври 2023 (МИА) - Полициски хеликоптер денеска исфрлил над десет тони вода со што е локализиран крак од пожарот во близина на село Блаце.

- Одделот за воздухопловни единици на МВР по добиено барање од Центарот за управување со кризи за гасење на пожар во близина на село Блаце, го упати хеликоптерот Бел-412 и во координирано постапување со пожарникарите од Територијалната противпожарна единица, локализиран е крак од пожарот. Хеликоптерот Бел-412 врз пожарот исфрли над десет тони вода, соопшти МВР./са/

Фото: МВР