Лондон, 11 ноември 2020 (МИА) - Извршниот директор на Мерцедес, Тото Волф го сподели своето мислење за тоа како промените во техничките прописи на Формула 1 ќе влијаат на рамнотежата на силите. Во 2021 година, промените ќе се однесуваат само на аеродинамиката, додека во 2022 година Формула 1 ќе се префрли на целосно нова техничка регулатива. -Можеби поради промените во 2021 година, автомобилите ќе станат една секунда побавни. Во исто време, не мислам дека рамнотежата на силите во болидот драматично ќе се промени. Не очекуваат мали промени, изјави Волф. Во исто време, тој е уверен дека некои тимови нема да се обидат да успеат следната година, туку веднаш ќе се подготват за сезоната 2022 година. -Некои тимови, како Ферари, целосно ќе ја напуштат борбата во сезоната 2021 и ќе започнат да развиваат автомобил за сезоната 2022 од самиот почеток. Така што, ќе биде тешко за Мерцедес да најде оптимална рамнотежа помеѓу работата на автомобилот во 2021 и 2022 година, смета првиот човек на тимот кој седум години по ред е најдобар во поредокот кај конструкторите. зс/