Судија ја блокира одлуката на Бајден за стодневно замрзнување на депортација на имигрантите

Американскиот сојузен судија Дру Типтон привремено го блокира обидот на претседателот Џо Бајден привремено да ја стопира депортацијата на имигрантите од САД

Од Марина Илиевска

09:44, 27 јануари, 2021

Судија ја блокира одлуката на Бајден за стодневно замрзнување на депортација на имигрантите

Вашингтон, 27 јануари 2021 (МИА) - Американскиот сојузен судија Дру Типтон привремено го блокира обидот на претседателот Џо Бајден привремено да ја стопира депортацијата на имигрантите од САД. Судијата Типтон од јужниот округ на Тексас, именуван од поранешниот американски претседател Доналд Трамп, издаде привремена забрана од 14 дена со која се блокира предлогот на Бајден. Судијата претходно го оспори предлогот во Тексас. Во образложението на Типтон се наведува дека администрацијатра на Бајден не „пружила никакво конкретно, разумно оправдание за стодневната пауза во депортациите. Се очекува администрацијата на Бајден да ја обжали пресудата на Типтон.

Бајден во текот на предизборната кампања вети дека ќе воведе стодневен мораториум на депортациите ако биде избран. Администрацијата на Бајден предлага промени за имиграцијата, вклучително и план за легализација на околу 11 милиони имигранти кои живеат во САД без документи. ми/