Студено утро, преку ден сончево со температура до 28 степени
- Студено утро, а преку ден сончево со мала локална облачност и со слаб ветер од јужен правец, предвидуваат синоптичарите. Минималната температура ќе биде во интервал од 3 до 11, а максималната ќе достигне од 23 до 28 степени.
![Студено утро, преку ден сончево со температура до 28 степени](https://mia.mk/index.php/images/20231011175237_big_730x400_48.webp )
Скопје, 12 октомври 2023 (МИА) - Студено утро, а преку ден сончево со мала локална облачност и со слаб ветер од јужен правец, предвидуваат синоптичарите. Минималната температура ќе биде во интервал од 3 до 11, а максималната ќе достигне од 23 до 28 степени.
Во Скопје времето ќе биде сончево со слаб ветер од југоисточен правец. Минималната температура ќе се спушти до 8, а максималната ќе достигне до 27 степени.
До крајот на оваа седмица ќе се задржи сончево време со студени утра, а релативно топло преку денот. Промена на времето со локален дожд и опаѓање на дневната температура се очекува во понеделник. ев/мд/