Скопје, 1 април 2026 (МИА) - Неколку дена пред 2 март 2026 година Ивана цело време му пишувала дека веќе не може да издржи, многу иѝбило тешко, не можела да го поднесе сопругот Стојанче, била многу исплашена, психички падната. Вака сведочеше денеска сведокот Мартин Саздов. 

Пред 2 март вечерта му пишала порака. „Мартин, те молам, не оставај ме, многу ми е тешко, не можам да го издржам ова. Но, додаде, јас сум заспал и не сум ѝ вратил. Утрото ја видов пораката и отидов кај неа на работа да ја видам. Околу 10.30 часот - додаде тој. Разговарале да оди кај мајка ѝ.

- Ѝ викав, не дај боже, еден ден ќе те убие. Таа ми велеше, не можам, Мартин, не можам да го оставам станот, ќе останеме на улица со Катја, Катја си ја сака и си ја бара собата - сведочеше Саздов.

Потоа Ивана му се јавила исплашена. - Ми рече, те молам, врати се, Стојанче е тука - додаде тој. Стојанче почнал да ја тепа.

- Почнав да го влечам, му реков, не удирај ја. Курвата ми кажа дека ти си ме наместил - рече Стојанче. Ивана рече дека не е точно и манипулира. Пак ја тепаше, ги разделив - сведочеше Саздов.

Ивана седнала одзади во возилото, а и Стојанче влегол во автомобилот. Мартин ја замолил Ивана да се врати на работа, но не сакала. Стојанче ја анвредувач и почнал да ја мава со боксови.

- Курво една, ќе видиш со кого си фатила работа, немој да мислиш дека ви се плашам - велел Стојанче, како што сведочеше Мартин. Ивана се онесвестила, Мартин застанал среде улица за да ги раздели.

Стојанче ми рече „остави ја курвата, ништо не ѝ е, сега ќе ѝ го земам телефонот од раце, ќе видиш како ќе стане“. Се обиде да го стори тоа, таа се освести, а Стојанче рече „види ја курвата како глуми“.

Влегле во суд, Стојанче да се пријави. Се пријавил. Потоа излегле. 

- Ивана стоеше до возилото и зборуваше на телефон. Стојанче ја прашуваше со кого зборува, а таа одговараше со мајка ми, со мајка ми. Стојанче инсистираше да види - сведочеше Мартин.

Стојанче мислел дека таа повторно го пријавува во полиција, ја навредувал. Ивана не сакала да му го даде телефонот за да не ѝ го скрши. Потоа му го дала на Мартин од негови раце да види Стојанче тоа што сака. Потоа Ивана побарала да разговара со Стојанче настрана. Тој пак почнал да ја тепа Ивана со двете раце одеднаш. Ивана се јавила во полиција и пријавила на 192. Стојанче тогаш се смеел, кога видел дека пријавува во полиција, рекол „курво една, ништо не можеш да ми направиш, ќе видиш со кого си фатила работа“.

Полицијата ја тргнала Ивана настрана и разговарале, а потоа и со Стојанче разговарале. Полицајците им ги вратиле личните карти на Ивана и на Стојанче и им рекле „решете си го проблемот“. Со Стојанче се качиле во возилото, тој побарал да го однесе дома. Ивана одела накај судот. Полицајците застанале до нивното возило, им кажале дека повторно има пријава за закани. Ивана повторно се вратила.

- Ѝ реков, Ивана кажи им на полицајците кој ти се заканува. Таа молчеше. Тие почнаа да викаат дека уште еднаш ако пријави, ќе ѝ пишат казна за лажно пријавување - појасни Саздов.

Подоцна ја зеле Катја од училиште, па се упатиле четворицата кон станот.

- Стојанче ја навредуваше пред Катја, се закануваше. „Курво една, ќе видиш што ќе ти направам, ќе видиш со кого си фатила работа, да се губиш од станот“ - сведочеше тој.

Одговори потврдно дека Стојанче се заканувал бидејќи сметал оти бил наместен за дрога. Се заканувал и дека ќе ѝ ја земе Катја. Ивана и Катја се качиле да си земат работи од станот, Стојанче не сакал да одат сами, „нема да ја оставам курвата сама, ќе се качиме сите заедно во станот“. Ако одам во затвор, ќе искочам и ќе те убијам - тоа го зборувал Стојанче.

- Ивана ми кажуваше и претходно дека Стојанче ѝ се заканувал дека кога ќе излезе од затвор, ќе ја убие, ѝ покажувал пиштол - рече сведокот.

Мартин не сакал да се качи во станот, а му било и страв да не ја тепа пак. Се качиле сите сепак.

- Ивана во раце ја држеше Катја и заедно влегоа во станот. Стојанче по нив. Тој рече - земи, курво, сè што ти треба и губи се од тука - сведочеше Саздов.

Ивана побарала пет минути. Мартин и Стојанче чекале пред врата. Не се слушале гласови. Потоа рекла дека не сака да си оди од станот, а Мартин му рекол на Стојанче да се симнат долу, тие две да се одморат.

- Стојанче рече „пак ми правиш курвински работи, ќе ја сменам бравата“ - додаде Саздов.

Рекол дека ќе ги земе Катја и станот, а Ивана се насмеала и рекла прави што сакаш.

„Кур ќе ти го вратам дарот“, викал Стојанче. Ивана и претходно кажувала дека тоа ѝ го кажувал. Ивана ја затворила вратата и ја заклучила. Мартин мислел дека таа ќе се премисли и ќе се симне, па стоеле со Стојанче, кој викал „оваа ми прави курвински работи“.

Таа курва не се убива, не умира, рекол Стојанче кога Мартин прашал да не си направи нешто Ивана. Потоа Ивана му се јавила на Стојанче, Мартин прашал што разговарале, а тој одговорил дека не разбрал. Ивана пак му ѕвонела, но не ѝ кревал. Потоа му се јавила на Мартин.

- Стојанче не ми крева, можеш ли да му кажеш да ми крене на камера?, ми рече, соопшти тој.

Стојанче го отворил телефонот и се прекинал повикот. Таа му заѕвонила со камера и Мартин ѕирнал.

- Ја видов Ивана како стои со Катја на тераса, веднаш сфатив што ќе направи. Викнав „Ивана, немој да си направила глупост“, почнав да трчам накај влезот кога само слушнав силен удар - рече плачејќи Мартин во судницата.

Тој опиша како ја видел Ивана целата во крв, мислел дека Катја е горе. Потоа ја видел и Катја до Ивана. Почнал да вика „ве молам, викнете брза помош!“. Стојанче не отишол да ги види.

- Не, немав храброст - се вмеша Стојанче во судницата. бд/вј/

Фото: МИА