Спринтер од Боцвана го освои златото на 200 метри во Париз
- Ноа Лајлс важеше за фаворит во олимпиското финале на 200 метри, но не успеа да ја освои двојната титула на уште еднаш исполнетиот „Стад Франс“, бидејќи два дена претходно беше најбрз на 100 метри. Сосема неочекувано златниот медал во оваа дисциплина го освои Лесиле Тебого од Боцвана!
![Спринтер од Боцвана го освои златото на 200 метри во Париз](https://mia.mk/index.php/images/20240808212316_big_730x400_79.webp )
Париз, 8 август 2024 (МИА) - Ноа Лајлс важеше за фаворит во олимпиското финале на 200 метри, но не успеа да ја освои двојната титула на уште еднаш исполнетиот „Стад Франс“, бидејќи два дена претходно беше најбрз на 100 метри. Сосема неочекувано златниот медал во оваа дисциплина го освои Лесил Тебого од Боцвана!
На целта стигна за 19,46 секунди, поставувајќи африкански рекорд и го постигна петтиот најдобар резултат во историјата.
Тебого на оваа јужноафриканска земја и го донесе првиот олимписки златен медал во историјата.
Американецот Кенет Беднарек беше „сребрен“ со 19,62, додека Лајлс мораше да се задоволи со бронзата бидејќи истрча 19,70.
Лајлс се надеваше дека ќе стане првиот по Усеин Болт со „двојна круна“ на Игрите, но не успеа. Два дена претходно, Лајлс освои злато во трката на 100 метри со предност од пет илјадитинки. дс
Фото: Принтскрин