Сончево со мала до умерена облачност
![Сончево со мала до умерена облачност](https://mia.mk/index.php/images/20231010095756_big_730x400_41.webp )
Скопје, 22 септември (МИА) - Времето претпладне сончево со мала до умерена облачност. Од пладневните часови во западните делови ќе се зголеми облачноста и ќе има услови за појава на локален дожд и ретки грмежи. Ќе дува слаб до умерен ветер од јужен правец. Наутро ќе биде доста свежо. Минималната температура ќе биде во интервал од 4 до 14, а максималната ќе достигне од 24 до 30 степени.
Во Скопје претпладне ќе е сончево со мала облачност и со слаб јужен ветер. Попладне облачноста ќе се зголеми и ќе има услови за појава на краткотарен дожд. Минималната температура ќе се спушти до 11, а максималната ќе достигне 26 степени.
Од утре следува период со повремено зголемена облачност. Во попладневните и вечерните часови, особено утре и во среда ќе има појава на локален дожд и ретки грмежи позастапени во западните делови. Ќе дува слаб до умерен јужен ветер најинтнзивен за време на викендот.