Словенија ја продолжува состојбата на епидемија до 17 декември
- Словенечката Влада денеска донесе декрет да ја продолжи прогласената состојба на епидемија на Ковид-19 за уште 30 дена, односно до 17 декември, бидејќи бројот на заразени и хоспитализирани од
![Словенија ја продолжува состојбата на епидемија до 17 декември](https://mia.mk/index.php/images/20221105014933_big_730x400_27.webp )
Љубљана, 16 ноември 2020 (МИА) - Словенечката Влада денеска донесе декрет да ја продолжи прогласената состојба на епидемија на Ковид-19 за уште 30 дена, односно до 17 декември, бидејќи бројот на заразени и хоспитализирани од коронавирус и понатаму е над дозволените, пропишани услови за укинување.
Одлуката стапува во сила од 18 ноември, се наведува во владиното соопштение.
Сите словенечки региони потврдиле дека бројот на новозаразени го надминал бројот кој е потребен за прогласување епидемија.
Според важечките прописи во Словенија, доколку во период од 14 дена просечниот дневен биланс на новозаразени изнесува 140 или повеќе на 100.000 жители, 250+ хоспитализирани и 50+ на интензивна нега, се создаваат услови за прогласување епидемија.
Официјалните податоци покажуваат дека просечниот дневен број на новозаразени е 922, бројот на болнички приеми 1.264 и бројот на пациенти во интензивна нега изнесува 205. гт/